Opinyon: Poll violence bantayan

Davao City – Bantayanan gayud ang seguridad sa election tungod kay aduna gihapoy mga lugar sa nasud nga ang mga pulitiko adunay private armies.

Sumala ni Mindanao Peoples Caucus Information Coordinator Candido ‘Jun’ Aparece, dili malikayan nga adunay matigayong kasamok sa election tungod kay usa ka dakung negosyo sa mga politikong negosyante ang election sa Pilipinas nga tumong ang personal interest.

Matud ni Aparece, dili na kaayo gubot ang piniliay karon kung itandi kaniadto tungod sa computerized election namenos-menosan na ang election violence sama sa pagpangilog ug mga ballot boxes ug pagpanghadlok sa mga botante gikan sa mga armadong grupo nga iya sa mga pulitikong hakug sa poder.


Nagtoo si Aparece nga dili na kaayo samok ang election sa Mindanao ilabi na sa Autonomous Region in Muslim Mindanao (ARMM) tungod kay dili gusto sa pamunuan sa Moro Islamic Liberation Front (MILF) ug Moro National Liberation Front (MNLF) ang gubot nga midterm election sunod tuig.

Giklaro usab sa Mindanao Peoples Caucus Coordinator nga moubos na ang matigayong pagpanikas tungod sa automated election apan ang narco-politicians anaa gihapon tungod kay dili gyud malikayan nga adunay kandidato nga modawat ug kwarta gikan sa sindikatong grupo sama niadtong involved sa illegal drugs.

RadyoMaN Bernard Pantallon

Facebook Comments