Davao City – Dili kinahanglan engrande ang pagsaulog sa matag Pasko bisan unsa ang estado sa kinabuhi sa usa ka tawo gumikan ang tumong niini mao ang pagselebrar sa adlaw’ng natawhan ni Hesu Kristo.
Kini maoy gisugilon karon ni Antonio ‘Tony’ Dela Cruz sa Davao City Chamber of Commerce and Industries, Inc. (DCCCII) atol sa interbyu kaniya sa tulumanong ‘Straight to the Point’ uban ni RadyoMaN June Duterte.
“Matagamtaman nimo ang diwa sa Pasko sa pag-ampo uban ang pamilya, dili kinahanglan mugasto og maayo tapos mangutang lang diay ta,” segun niini.
Sa pikas bahin, malaumon si Dela Cruz nga mabatonan sa nasud ang mas mauswagong 2019 ubois sa Duterte administration.
Nagtoo ang magpapatigayon nga stodyohan gihapon ni Pangulong Duterte ang pag-apruba niini sa excise tax nga mamahimong epektibo karong Enero ilabi na nga ubay-ubay ang naguol.
“Kasabot man ta sa iyang programa nga ‘Build, Build, Build,’ but at the same time nasayod usab kita sa unsa ka (masinabtanon) ang kasingkasing sa pamuno-nasud ilabi na sa mga kabus kay kabalo ko imposing an excise tax again especially sa oil products will definitely trigger the increase of any commodities,” tataw niini.
RadyoMaN Jason Amisola
