Pagadian City – Nadala sa wala mailhing kawatan ang dul-an 300 mil pesos human gilungkab niini Berringer Marketing Incorporated-Pagadian Sales Office kagahapon sa alas 10 ang takna sa buntag sa Sabate Street corner Roxas Street, Santa Maria District, Pagadian City, Zamboanga del Sur.
Ang biktima mao si Anna Laine Arbon Noble, 28 anyos, dalaga ug Finance Assistant sa naasoyng opisina.
Matud pa sa biktima nga sa dihang miabot siya sa iyang opisina, iya na lamang nasayran nga nangabungkag na ang mga gamit sa iyang lamesa ug guba na ang vault nga gisudlan sa kwarta ug nadala na sa kawatan ang mokabat sa 252,864 mil pesos. Ang naasoyng salapi gikan sa Sales basi sa inventory nga gipahigayon sa biktima ug sa iyang District Territory Supervisor.
Gipailalum na sa crime scene processing ang dapit nahitabuan arun sa pag-ila ug pagdakop sa suspetsado.
Samtang anaa na usab sa kustodiya sa kapulisan ang mga papeles/ebidensya sama sa 11 ka page nga remittance slip; 3 ka page sa photocopy sa Guard’s Logbook gikan sa alas 6:34 sa buntag sa Disyembre 29, 2018 hangtud na sa alas 10:08 ang takna sa buntag sa Disyembre 31, 2018 ug ang usa ka metal box.
