> LOOK! Operasyon sa Oplan Biyaheng Ayos sa Semana Santa tagsugdan na sa lain-laing pantalan sa Surigao. Sa nakuha na impormasyon sa RMN, may mga tagpahimutang na mga Help Desk ug tumong niini an pagtabang sa paggiya sa mga mobiyahe sugod kuman Lunes Santo hangtud sa Adlaw sa Pagkabanhaw sa Domingo. An Team taglangkuban nan kadagkuan sa Phil. Ports Authority, Phil. Coastguard, Dept. Of Transportation ug iban pa. Sa habig nan PNP ug Phil. Army, tagpadayag nila ni Supt. Diomedes Cuadra Jr. sanan ni 1st Lt. Ken Enciso na may mga ipakanat sila na mga personahe sa pagbantay sa seguridad sa lain-laing simbahan ug iban na lugar na may daghan na mga tawo. Samtang sa laing bahin, an New People’s Army pinaagi sa Spokesman na si Ka Oto nagtudlo na may ila tagdeklarar isab na ceasefire sa Holy Week sugod sa Marso 28 hangtud Abril 1. > > > > >
