Oplan Katok, padayong gipatuman sa COCPO

Nagpadayon karon ang Cagayan de Oro City Police Office kon COCPO sa pagtoktok alang niadtong mga tag-iya sa armas nga wala pa na renew ang lisensiya.

 

Kini ang gibutyag ni Pol. Lt. Col. Mardy Hortillosa, ang Spokesperson sa COCPO alang sa gipatuman nga Oplan katok.

 

Sa interview sa dxCC-RMN ni Lt. Col. Hortillosa, gipasabot niini nga tumong sa Oplan Katok nga dili makasupak sa balaod ang mga gun holder sama sa illegal position of firearms.


 

Dugang pa ni Lt. Col. Hortillosa nga kung sundon ang balaod, kung mo-expire na ang lisensiya sa armas bawal na kini sa balaod.

 

Samtang kamulo na karon og pagpangdawat ang Cagayan de Oro City Police Office kon Cocpo alang atong buot nga magpa-safe keeping sa ilang armas.

 

Tungod niini, nanawagan karon ang Cocpo nga pwede ipa-safe keeping sa mga gun owner ang ilang mga armas o i-renew ang lisensiya niini.

 

Nasayran nga dili na karon basta-basta makahupot og armas, kung wala makakuha og license to possess in own firearms, kapasidad sa pag-maintain sa armas, pag-renew, ug training.

 

Nasayran usab nga bisan og adunay kapasidad ang usa ka indibidwal nga mopalit og armas kung dili kini makakuha og permit to possess firearms dili kini puwede nga mohupot og armas.

 

 

Mokabat sa libo kapin ka indibidwal diri sa Cagayan de Oro ang naghupot og armas base sa record sa Cagayan de Oro City Police Office kon Cocpo.

 

Apan giklaro sa Cocpo nga kini nga ihap, mao ang unrenewed nga mga firearms.

 

Matud sa Cocpo nga buot ipasabot niini, aduna pay posibilidad nga motaas pa ang maong ihap tungod kay aduna pay mga personahe nga wala ma-record ang on time nga pag-renew sa ilang armas.

Facebook Comments