‘Oplan Redemption 2018’ ilusad sa RMN DXDC 621 Davao

Davao City – Buksan ugmang adlawa sa RMN DXDC 621 Davao ang special presentation niini alang sa Semana Santa gititulohan nga ‘Oplan Redemption 2018.’

Sugod sa alas-4:00 sa sayong kabuntagon, sugdan na sa programang ‘Unang Radyo Unang Balita’ uban si RadyoMan Erin Lumosbog ang paghatod sa latest update kalabutan sa mga church activities sa mga deboto ug mga parishioners sa nagkadaiyang kasimbahanan denhe sa syudad kalakip ang San Pedro Cathedral nga maoy sentrong simbahan mismo denhe sa kinapusuran sa dakbayan.

Sundan usab kini gilayon sa ensaktong alas-6:00 sa buntag sa pinasahi nga edisyon sa morning primetime flagship radio social commentary program nga ‘Straight to the Point’ uban ni RadyoMan June Duterte pinaagi sa Part I: ‘Reflection, Revelation & Restoration’ ug Part II: ‘Road to Freedom.’


Gidapit ang tanan nga maminaw sa mga special radio documentary reports nga mosunod: ‘Awtoridad’ ug ‘Titser’ ni Bernard Pantallon, ‘Katalagman’ ug ‘Kahayag’ ni Joel Viray, ‘Alagad’ ni Jason Amisola, ‘Abroad’ ni Renz Barbarona, ‘Love Endureth’ ni Abby Bibera ug ‘Edukasyon’ ni Aimee Guinita.

Kini nga mga Special RadyoMen Reports nagtumong sa pagpa-ambit kanatong tanan sa nagkadaiyang ‘life experiences’ ug ‘faith walk’ sa mga napiling resource persons kansang mga hagit kun struggles sa ilang kinabuhi nagpakita sa gahum sa Diyos ug pagtunol ug bag-ong paglaum ug inspirasyon niadtong mga nagbangutan ug anaa karon taliwala sa grabeng mga pagsulay sa ilang pagtoo ug kalig-on.

Atangi usab ang Special Lenten Interviews nato uban sa duha ka mga experts and authority sama nila ni Dr. Adrian Tamayo, head sa University of Mindanao – Institute of Popular Opinion (UM-IPO) ug Bishop Ariel Coleto sa Brethren Evangelical School of Theology.

Atangi usab ang espesyal nga Cebuano radio dramas kansang tema ug storylines anaa nagtuyok sa ‘real life situations’ diin gisukod ang atong pagsalig sa Ginoo sa daghang mga kapamaraanan.

Facebook Comments