“OPLAN SITA, OPLAN BITAG” ipatuman sa GSCPO

26

General Santos City–Plano nga maglusad ug “OPLAN SITA, OPLAN BITAG” ang bag-ong Officer in Charge sa General Santos City Police Office batok sa mga riding in tandem criminals.

Kini ang nahimong pagbutyag ni Gensan OIC City Director Police Colonel Gilbert Tuzon human gipatawag kini sa Sangguniang Panglungsod kagahapong adlawa aron usab nga maila-ila ug mahimamat sa mga opisyal sa dakbayan.

Gisaad niini atubangan sa konseho nga iyang ipadayon ang mga nasugdan nga mga maayong programa nga gihimo sa mibiya nga City Director sa Gensan nga si Pol. Colonel Aden Lagradante hilabina na ang pilot project niini nga mao ang Gensan Big Eye.

Sumala ni Tuzon, sa iyang liderato pakusgan niini ang operasyon batok iligal nga droga ug bisan na kining mga iligal nga pasugalan. Gusto usab niini dala-on ang kapulisan sa Barangay pinaagi sa ilahang kooperasyon sa mga Barangay opisyal, mga BPATS aron nga mapakusgan pa ang pagbantay sa ilang lugar tungod nagtuo ang opisyal nga dakong tabang ang presensiya sa mga nahisgutan alang sa pagmintinar sa kahapsay ug kalinaw sa matag Barangay. (RV)

Facebook Comments