CADIZ CITY-Wala nakapugong ang maulanon nga panahon sa team sang DYHB, iFM 94.3 Bacolod kag RMN Foundation sa second leg sang Oplan Tabang para sa mga nabahaan sa Northern Negros.
Enero, 19 sang aga ang Brgy. Luna kag Mabini naman ang gindul-ungan sang Oplan Tabang team. Sa Brgy. Luna, may yara sang 35 ka mga recepients sang lima ka kilo sang bugas, canned goods, bihon, noodles kag used clothings. Samtang sa Brgy. Mabini may yara naman sang 25 ka mga nagbaton sang ayuda.
May angot diri, dako ang pagpasalamat ni Punong Barangay Jessie Olvido sang Brgy. Luna sa DYHB, iFM 94.3 Bacolod kag RMN Foundation nga bisan paano may dugang nga bulig ang iya mga constituents nga nga malala nga naapektuhan sang pagbinaha sang nakaligad nga Enero 8 kag 9.
Bwas nga adlaw, sa ciudad sang Victorias naman magapadulong ang Oplan Tabang team, para sa padayon nga pagdul-ong sa bulig sa mga ginbahaan nga Negrense gikan naman sa kaalwan sang mga sponsors, mga avid listeners sang DYHB kag iFM diri sa Negros kag mga sa abroad kag pila pa ka mga pribado nga indibidwal nga wala na nagpakilala pa.
[image: image.png]
