Ordinansa nga maga- require sa tanan nga mga government hospital sa Roxas City nga dapat may naka-stand by nga anti-venom sa kagat sang man-og, ginaduso sa city council

27

Roxas City, Capiz – Desidido ang chairman sang committe on health sang Sangguniang Panglunsod nga si City Councilor Dr Ceasar Yap Jr nga iduso ang ordinansa para sa availability sang snake anti-venom sa City Health Office kag mga pangpubliko nga ospital sa syudad.
Ginpahayag ni Yap, nga dako ang kaimportansya sang availability sang nasambitan nga anti-venom bangud mahimu nga mapatay sa sulod lamang sang 15 tubtob 30 minutos kun indi mahatagan sang anti-venom ang isa ka tawo matapos ini ang makagat sang isa ka man-og nga venomous.
Base sa iya nga research, wala sang storage facility sang nasambitan nga anti-venom diri sa Western Visayas magluwas na gid lamang sa Ormoc City kag Research Institute for Tropical Medicine ukon RITM sa Metro Manila.
Samtang, sa pihak nga bahin ginaduso man ni City Councilor Jericho Celino ang isa pa ka ordinansa nga hugot man nga pagadumilian ang paghupot ukon pagbaligya sang exotic animals kaupod na ang mga venomuos nga klase sang man- og kapareho snag cobra.
Sa madumdoman sang nakaligad nga tuig 2020, isa ka 17 – anyos nga solterito ang aksidente nga nabuntog sang gina-alilaan sini nga man-og nga cobra sa Barangay Bago, Roxas City nga nangin kabangdanan sang iya nga kamatayon.

Facebook Comments