Pagadian City, Zamboanga del Sur—- “Justice for Parojinog Family ”
Kini ang nakasulat sa puti nga T-shirt nga gisuot sa mga ordinaryong lumulupyo sa syudada sa Ozamis nga niduyog ug nitambong sa lubong ni Ozamis City Mayor Reynaldo Parojinog Sr.,asawa nga si Susan, igsuon nga si Mona ug Ocatovio nga gipahiluna sa Mt. Malindang Memorial Cemetery kagahapon.
Walay naka-ila sa tawo nga nagbutang og puting kartolina sa kilid sa lubnganan sa mayor nga gipatik ang mensahe nga ‘’Justice for the Victims”.
Medyo nalangan ang paglubong kay nagbaktas lamang ang pipila ka mga taga-suporta paingun sa menteryo gikan sa Immaculate Conception Cathedral diin gipahigayon ang santos nga misa pinaagi ni Emiritus Archbishop Jesus Dosado.
Emosyonal ang mga nahibiling pamilya sa simbahan palang og misamot kini pagkidangat sa sementeryo, gani nawad-an sa panimuot ang usa sa igsuon sa mayor nga si Myrna.
Daw miduyog usab ang panahon sa kasubo sa mga Parojinog gumikan sa pagbunok sa makusog nga ulan atul sa pagtumod sa katapusang pahulayanan sa mga nakalas sa raid sa ozamis city. (Kenneth Alvin Bustamante, Melchor Coronel)
Tags; RMN-DXPR Pagadian 603, Mel Coronel, Kenneth Alvin Bustamante
