‘Organ donation’ gipaboran

Davao City – Pabor si Barangay Captain Tata Llubit sa Brgy. 9-A sa ginahimo sa ubang tawo nga una mutaliwan sa laing kalibutan, muhimo una kini og katugutan aron i-donar ang iyang mga body organs ngadto sa mga labaw’ng nanginahanglan.

Alang ni Llubit, mas maayo man pod nga mapuslan sa mga nagsakit og kidney, kasingkasing, atay, ug mata ang mga organs kaysa madugta kini uban sa lawas diha sa lubnganan.

Bisan si Llubit dili magduha-duha sa pagdonar sa iyang mga organs aron mabatangang mabuhi og dugay ang uban ibabaw ning kalibutan.


Busa magpabuhat daan og awtorisasyon ang kapitan aron tugotan ang iyang pamilya sa pagtanyag sa tanan niyang mga organs ngadto sa mga naghambin og kumplikadong balatian.

Dugang sa kapitan, nalugwayan sa kinabuhi ang iyahang kaugalingong inahan tungod ra usab sa mga tawo nga wala gayud naghikaw sa ilang mga organs ug gi-donar kini ngadto sa ginikanan ni Llubit.

Gibatbat sa maong barangay executive nga buot niyang magbilin og legasiya alang sa iyang katawhan nga lisod malimtan sa tanan og kana ang pagtugot sa organ donation.

RadyoMaN Joel Viray

Facebook Comments