Organic Farmers’ Market gimongtar sa Rizal Park, Dabawenyos giawhag nga suportahan ang local organic farmers

28
Davao City – “Makabarato ug makatabang.”

Kini ang komento sa mga netizen sa gimongtar nga Organic Farmers’ Market sa Rizal Park, sa dalang San Pedro, Davao City.

Usa ka Nora Pascua ang nakakomento sa facebook post nga makabarato ang consumers ug dili sab lugi ang farmers.

“Kani maoy nindot walay middle man, barato ra ug dili pud tawon lugi ang mga farmers nga paliton lng sa mga middle man ug barato unya ibaligya ug mahal. unya ang mga consumer makasave pud kay direct na sa mga farmers,” komento ni Pascua.

Sumala sa Davao City Agri Office – DCAO, abri ang maong klase sa market kada adlawng Huwebes ug Biyernes sa usa ka semana.

Makita sa maong market ang ilang organic products, mga gulay, prutas, ug uban pa diin ginapangita sab sa mga Dabawenyos.



Panawagan sa City Government of Davao nga suportahan ang local farmers pinaagi sa pagpalit og mga local nga produkto.

RadyoMaN Renz Barbarona

Facebook Comments