Ormoc Mayor Richard Gomez nag-sorry ni Mayor Tomas Osmeña

191

Nangayo ug pasaylo si Ormoc City Mayor Richard Gomez ngadto ni Cebu City Mayor Tomas Osmeña human gikanselar sa nauwahi ang donasyon sa Cebu City Hall nga mokabat ug kapin sa P10 milyones pesos alang sa syudad sa Ormoc nga nakasinati ug linog pipila ka buwan ang nakalabay .

Sa usa ka official statement ni Gomez nga gipost sa social media account sa kagamhanan sa syudad sa Ormoc gitumbok niini nga aduna la`y nahitabo nga miskomunikasyon bahin sa pagdawat sa maong donasyon gikan sa kagamhanan sa dakbayan sa Sugbu.

Si Gomez nisuwat ngadto ni Osmena aron ipaabot ang iyang sinsiro nga pagpangayo ug pasaylo ug sa samang higayon nangayo kini ug rekonsiderasyon sa desisyon sa mayor pagkanselar sa donasyon .

Ang Ormoc City Council wa dayon makapasar ug resolosyon nga nagtugot ni Gomez sa paghimo ug Memorandum of Agreement tali sa Cebu City alang sa pagdawat sa maong donasyon nga plano unta ni Gomez nga personal nga dalhon dinhi sa syudad sa Sugbu.

Dugang ni Gomez nga ang mga Osmena tinahod nga higala sa taga Ormoc ug gitumbok niini si Kanhi Gobernador Lito Osmeña nga “adopted son” sa Ormoc tungod sa dakung natabang sa Sugbu sa nahitabo nga flashflood niadtong 1991 sa ilang syudad .

Naglaum si Gomez nga irekonsiderar ni Mayor Osmena ang desisyon niini nga di na ihatag ug dayon ang donasyon alang sa Ormoc City.

Facebook Comments