Davao City – Supak ang Kalipunan ng Damayang Mahihirap (KADAMAY) sa tinguha sa Bureau of Plant Industry (BPI) ubos sa Department of Agriculture nga iparehistro ang mga namaligya karon og tanum.
Dili uyon si KADAMAY Davao Chapter Focal Person Toto Bulcan nga kuhaan og buhis ang mga sellers og tanum nga sa karon miarangkada sa merkado pinaagi sa pagparehistro kanila.
Wala mahimuot si Bulcan sa lakang sa maong ahensiya nga pati ang daginot ug ginagmay nga diskarte ug paningkamot aron mabuhi ingon man makalatas sa krisis initan pa imbes magpasalamat kay wala na sila magsalig sa gobyerno.
Gitataw ni Bulcan nga dili siya kontra kon iparehistro ug kuhaan og buhis ang mga sellers og tanum apan dili sa panahon sa pandemic ug sa kalisod.
Gani mas maayo matud ni Bulcan pahumanon na lang ang COVID-19 crisis ayha sila singlan og buhis isip tabang ngadto sa katawhang Pilipino.
RadyoMaN Joel Viray
