OUT – PATIENT | Duha ka mga biktima sang pagpangluthang sa Barangay San Antonio, Cuartero, nakaguha na sa ospital!

10

Cuartero, Capiz – Nakaguha na sa ospital ang duha ka mga persona nga biktima sang pagpaluthang pasado alas 7 sang gab-i sa Barangay San Antonio, Cuartero, Capiz sang nakaligad nga Oktubre 24, 2021.
Sa matandaan nga nag-angkon sang pilas sa tiil ang mga biktima nga ginkilala kanday Jayson Denosta, 42 – anyos kag Marita Baladhay, 48 – anyos matapos nga naluthangan sang retired army nga si Juan Dayo Dordas, 63 – anyos ang pang-edaron kay lunsay man residente sang nasambitan nga lugar.
Suno sa imbestigasyon sang mga kapulisan, may nagluntad nga pagsabtanay sa tunga sang imbolbado nga mga persona antes natabu ang pagpangluthang.
Daan nga tema-tema ang gintunaan sang amo nga insidente.
Samtang wala naman naarestar sang mga otoridad ang ginatudlo suspek bangud wala ini makit-an sa lugar sang magresponder ang mga kapulisan.
Ginahulat pa sang Cuartero MPS ang kampo sang mga biktima kun interesado ang mga ini nga magpasaka sang kaso kontra sa suspek.

Facebook Comments