Nagadalagan pa sa P12.00 tubtob 14.00 kada kilo ang buying price sang wet nga palay sa subong sa South Cotabato base sa monitoring sang Provincial Agriculture Office.
Ginkumpirmar ni Provincial Agriculturist Justina Navarete nga nagalab-ot sa masobra 38k ka ektarya ang natalana nga harbeson ukon nagalab-ot sa 117 thousand metric tons ang maani nga palay subong nga Setyembre kag sa bulan sang Oktubre.
May-angot sini, ginalauman ni Navarete nga sa mas madasig nga panahon maaprobahan na sang Sangguniang Panlalawigan ang pondo para sa palay procurement sang provincial government.
Samtang kahapon nga adlaw nga regular session sang Sangguniang Panlawigan ginrefer na sa committee on appropriations ang P10 million palay support fund nga nalakip sa supplemental budget number 2 matapos nga bag-o lang man nasubmitir ini sa SP.
Nahibaluan nga base sa profiling sang Provincial Agriculture Office nagalab-ot sa masobra 28 thousand ang rice farmers sa probinsya.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
