i Balita
September 22, 2019
(Photo from web)
P 2.7 MILLION NGA KWARTA SANG ISA KA NEGOSYANTE SA AKLAN, GINKAWAT SANG IYA KABULIG ; SUSPEK ,NADAKPAN
Nadakpan sa hot pursuit operation sang gintingob nga pwersa sang Kalibo PNP kag Malay Police station sa Caticlan Jetty Port ang isa ka boy nga nagkawat sang 2.7 million pesos nga kwarta sang iya amo.
Una diri , alas 4:00 kahapon sang kaagahon sang natalupangdan sang 53 anyos nga negosyante nga wala na ang kwarta nga ginbutang sa Dura Box.
Gintinguhaan pa nila nga tawgan ang 26 anyos nga suspek apang wala na ini nagasabat sa tawag.
Gilayon nga nag-report sa pulis ang negosyante kag natigayon nga madakpan ang suspek.
Nahibaluan nga mapalagyo kon tani sa Manila ang suspek sa diin nabuhinan na niya ang kwarta kag gingamit nga pamasahe sa barko.
Ginpahayag sang biktima nga ila na ginakabig nga anak ang suspek bangud 13 ka tuig na ini sa ila kag masaligan man sa sulod sang balay apang wala siya naghuna-huna nga mahimo ini sa ila sang suspek.
via RMN Kalibo
