P1.5-M BUB nga kantidad sa ‘kabuhayan’ starter kits gitunol sa DOLE-Bukidnon

Malaybalay City, Bukidnon – Gitunol sa Department of Labor and Employment kon DOLE Bukidnon ang mga starter kit nga nagkantidad ug P1.5 million ngadto sa 263 ka mga kwalipikadong benepisiyaryo nga lumulupyo sa siyudad sa Malaybalay ilawom sa Bottom-Up-Budgeting (BUB) isip livelihood.

Gihimo ang turn-over sa bag-ong City Hall kagahapong adlawa.

Ang mga Starter kits gihatag ngadto sa 40 ka ka carpentry; 63 ka manikurista; 60 ka massage therapist; 40 ka baking; 30 ka cooking; ug 30 ka beautician.


Kada kit sa benepisiyaryo sa carpentry nagkantidad sa halos P 10,000.00 samtang sa ubang mga tool packages nagkantidad sa P 2,000.00 ngadto sa 7,000.00.

Tumong sa BUB livelihood program nga makabaton ug kaugalingon gamit ang mga miyembro sa 4ps program sa Department of Social Welfare and Development (DSWD) alang sa ilang mga nagkadaiyang “skills” ug aron mapalambo pa kini.

Samtang natugyanan usab ang DSWD nga maoy mo-monitor sa kahimtang sa mga benepisiyaryo kung nilambo ba ang ilang panginabuhian pinaagi sa proyekto sa BUB.

Facebook Comments