P107-milyong smuggled nga sigarilyo nasakmit sa Davao

27

Mukabat sa P107 milyon ang kantidad sa sigarilyo ang narekober sa mga personahe sa Bureau of Customs (BOC) ug gi-smuggle kini isip tissue paper sa Port of Davao.

Sa report sa BOC-Port of Davao, nakumpiska ang maong kargamento nga adunay sulod nga 1,205 boxes sa Astro brand nga sigarilyo ug 942 boxes sa YS brand sa sigarilyo.


Sa intelligence report sa BOC-Intelligence Group ug Enforcement Group, niabot sa Davao International Container Terminal (DICT) ang duha ka-container vans nga gideklarang 2,180 boxes sa tissue paper ang unod, apan sa pagpailawom niini sa physical inspection, nadiskubre nga mga sigarilyo ang sulod sa container vans.

Wala daw gideklara sa tag-iya sa kargamento ang sulod niini sa detalye sa ilang shipment sa ‘e-manifest’.

Nagpagawas si Customs Davao District Collector Atty. Erastus Austria og “warrant of seizure and detention (WSD)” sa mga kargamento tungod sa maong mga paglapas.

Facebook Comments