P1million nga kantidad sang shabu nakuha sa naaresto nga duha ka mga drug personalities sa Maguindanao.

25

Nagalab-ot sa P1 million nga kantidad sang shabu ang nakuha sa naaresto nga duha ka mga drug personalities sa ginpatigayon nga joint buy-bust operation sang militar, police, kag PDEA-BARMM sa Public Market sang Barangay Dalican, Datu Odin Sinsuat, Maguindanao sang Enero 6 subong nga tuig.
Suno kay Lt. Gen. Corleto Vinluan, Jr., Commander sang Western Mindanao Command base sa report halin sa JTF Central, ginkilala ang duha ka mga drug personalities nga sanday Sabir Tahir Omar, a.k.a. Bertos Taher Omar, kag Enar Lumawan Bulilo, a.k.a. Jabbar,”.
Nakuha sa mga suspek ang lima ka sachets sang shabu nga may kabug-aton nga more or less 250 grams, binandol nga kwarta nga nagakantidad sang P600, 000.00, cellphones, wallets, IDs, sling bag, kag motorsiklo.
Ang duha ka mga drug personalities ang gindala naman sa PDEA-BARMM para sa nagakaigo nga disposition kag pagpasaka sang nagakaigo nga kaso sa mga ini.
Ginpahayag naman ni Col. Ferdinand Lacadin, Officer-In-Charge sang Mechanized Infantry Brigade nga magapadayon ang ila nga law enforcement support operations sa PNP kag iban pa nga law enforcement agencies agud nga maprebentar ang paglapta sang illegal drugs sa probinsya sang Maguindanao.
* credit:Westmincom*

Facebook Comments