Nasakmit sa kapolisan ang gibana-bana nga P2 milyones nga balor sa shabu gikan sa ilang dinakpan sa Barangay Tejero syudad sa Sugbu kagabii .
Nadakpan sa operasyon sa Drug Enforcement Group sa kapolisan sa Central Visayas ang suspek nga si Mark Abella ug nakuhaan kini ug shabu nga nagtimbang ug 175 gramos .
Ang hepe sa DEG-7 nga si Supt Glenn Mayam nibutgyag nga si Abella gikonsiderar nila nga usa ka bigtime drug distributor sa Metro Cebu area.
Giimbistigar karon sa kapolisan kung kinsa ang tinubdan sa ilegal nga drugas nga nakuha gikan ni Abella .
Facebook Comments
