P200k nga kantidad sang marijuana nagabot sa banwa sang Tampakan.

30

Nagalab sa 2,500 ka puno sang fully grown marijuana plants ang napanggabot sa ginpatigayon nga Police Law Enforcement Operation sa boundary sang Sitio Alyong, Barangay Danlag, Tampakan, South Cotabato kag Sitio Atbol sang Kimlawis, Davao del Sur, alas 4:30 sang aga sang Nobyembre 24, 2020.
Nagakantidad naman sa P200, 000.00 ang nakumpiskar nga marijuana plants base sa PDEA market value.
Samtang upod naman sang Tampakan MPS sa pagsalakay sa lugar ang 1205th RMFB 12, PDEA South Cotabato, Charlie Company, 39IB, 10th ID, PA, Tracker Team Charlie RID 12 kag RPDEU 12.
Ginkilala naman ang cultivator kay Emmanuel Fernandez, alyas “Commander Bobo”, yara sa legal nga pang-edaron kag residente sang Brgy. Poblacion, Tampakan, South Cotabato nga wala naman sa lugar sang ginsalakay sang mga utoridad ang plantasyon.
Samtang kadam-an naman sang gingabot nga puno sang marijuana ang ginsunog sa lugar kag ang pipila naman ka sample ang yara sa kustodya sang Philippine Drug Enforcement Agency ukon PDEA South Cotabato.
Nagakaigo naman nga kaso ang ipasaka batok sa cultivator sang marijuana plants.

Facebook Comments