BACOLOD CITY – Isa ka babayi kag isa ka lalaki nadakpan sa ginpatigayon nga buy bust operation sini gid lamang na kaagahon sa Brgy. Banago, ciudad sang Bacolod.
Ginkilala ang subject sang drug operation nga amo sanday Rolando Wenceslao, 50 anyos kag Roselyn Abellar, 40 anyos, lunsay pumuluyo sang Brgy. Brgy. Zone 12, Talisay City.
Nakuha sa possession sang mga suspek ang apat ka sachet sang suspected shabu nga ginabulubanta nagdangat sa kapin P20 mil pesos, mga drug paraphernalia kag buy bust money.
Ginpatigayon sang mga katapo sang Police Station 3 Drug Enforcement Team ang buy bust may mga las 12:10 kaina sang kaagahon sa Sitio Sibucao, Brgy. Banago, Bacolod City.
Sa karon detained na custodial facility sang Police Station 3 ang mga suspek./dyHB BACOLOD
