P2,500 nga presyo kada botilya sang vitamin C nga ginbakal sang syudad sang Bacolod, gina kwestyon sang Konsehal

25

Ginakwestyon ni Bacolod City Councilor Wilson “Jun” Gamboa Jr. ang pagbakal sang syudad sang Bacolod sang isa ka botelya sang Vitamin C with Zinc nga nagabalor sang P2,500.

Ang nasambit nga bitamina ang ipa-inum sa mga natapikan sang COVID-19 sa syudad.

Sa special session sang Sangguniang Panlungsod kahapon, ginpakita ni Gamboa ang sample sang iya ginbakal nga vitamins nga nagabalor gid lamang sang P349.

Dugang pa sang konsehal nga nag-request naman ini sang tinalikdan nga semana nga dapat mag-procure ang syudad sang COVID related nga mga bulong nga prescribed sang Department of Health.

Pahayag pa ni Gamboa nga dapat ang gobyerno ang ma-handle sang mga mild to moderate cases kag itugyan sa ospital ang mga severe ukon kritikal nga pasyente.

Isa sa mga rason nga gakapuno ang mga ospital sa Bacolod ang pagbaton sini nga mild to moderate cases kag sa oras ka may kritikal nga pasyente nga dal-on sa ospital, wala na sang nabilin nga COVID beds.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>




Facebook Comments