P30 million nga supplemental budget no. 3 kag P8 billion 2020 AIP aprobado na sang mga katapo sang Sangguniang Panlalawigan, resolution para sa pamilya ni Former Board Member Yungco ginpasa.

Aprobado sang mga katapo sang Sangguniang Panlalawigan sa ginpatigayon nila nga regular session sang Lunes nga adlaw ang supplemental budget number 3 nga nagakantidad sang P30 million.

Suno kay South Cotabato Vice Governor Vicenti de Jesus magakadto ang pondo para sa dugang nga Indigents Hospitalization Fund nga nagalab-ot sa P10 million, Mortuary Assistance for Indigents, Crisis Intervention Program kag increase sa honorarium sang Barangay Health Workers kag iban pa.

Samtang tigayon naman nila nga naaprobahan suno sa bise gobernador ang P8 billion nga Annual Investment Program para sa 2020.


Ginkumpirmar man ni Vice Governor de Jesus nga nagpasar man sila sang resolution nga nagapalab-ot sang kasubo kag simpatiya sa pamilya ni anay Board Member Vicenti Yungco Jr. anay ABC President sang South Cotabato nga ginluthang patay sang riding in tandem sang nagligad nga semana bilang kaupod man nila sadto anay sa Sangguniang Panlalawigan.

Facebook Comments