P36-M financial aid itunol sa Davao flood victims

Davao City – Gikatakdang i-distribute sa City Government of Davao ang P36-M cash assistance ngadto sa mga biktima sa baha dinhi sa syudad sa Davao.

Sumala ni Davao City Mayor Inday Sara Duterte atol sa city owned radio nga ang Department of Social Welfare and Development (DSWD) pinaagi sa Assistance to Individuals in Crisis Situation (AICS) nagtagana og pondo nga P36 million para sa dakbayan.

Human nga nadawat sa dakbayan ang maong cash assistance gimanduan sa mayor ang team gikan sa City Mayor’s office nga itunol kini sa mga benepisyaryo kinsa naigo sa baha niadtong October 27 hangtod November 9.


Ang unang na-download na nga P25M nga pondo, matud sa Mayor nga adunay inisyal nga 8,333 slots available diin 3,000 slots sa Buhangin A District; 1,000 slots sa Buhangin B District; 2,000 slots sa Talomo A District ug 2,000 slots sa Talomo B District.

Nagbilin og 333 slots inkaso’g adunay mga ma-miss out pa nga mga benepisyaryo.

Samtang, matud ni Presidential Commission for the Urban Poor (PCUP) Commissioner and Davao City LGU Special Projects head Norman Baloro nga anaa sa 12,000 ka pamilya usab ang makadawat sa cash assistance sa nadugang nga P11million gikan sa P36M nga total financial aid.

Sumala ni Baloro ang kada household, regardless sa extent sa damage modawat og P3,000 cash assistance gikan sa gobyerno.

RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments