P50,000 para na aresto di Sali

25

Para hace de fronto el arestada del ultimo unu detenido del Tetuan Police Station quien ya sigui escapa del Martes aga, el pulis yaofrese ya reward de P50,000 con el persona quien puede dale informacion si donde ta esconde si Sulayman Sali.
El portavoz del pulisiya local si Sr. Insp. Shelamie Chang ya habla na RMN-Zamboanga el dinero que ay usa como reward, estaba este con cuantos maga concierne persona y grupo quien ta suporta con el programa del pulis para mantene el paz y orden and ciudad.
Asegun con Chang con el informante ay dale dayun el reward despues puede aresta con Sali seguiendo consu informacion que ay dale le.
El maga informante puede atracca masquin onde estacion del pulis para habla si onde ta esconde si Sali.
Acordando, si Sali unu del 16 maga detenido quien ya escapa desde na Tetuan Police Station despues estos ya man ciera con el trangca de ijiero del carcel.
Pero con el 15 ya puede dayun aresta na differente parte del ciudad mientras el losdemas ya rendi.

Facebook Comments