BACOLOD CITY – Kapin sa tunga sa milyon ka pesos ang estimated nga balor sang suspected shabu nga na-recover sang Philippine Drugs Enforcement Agency – PDEA sa ginpatigayon nga buybust operation kahapon sang hapon sa Lopez Jaena, Brgy 31 diri sa ciudad sang Bacolod.
Nakilala ang suspek nga si Nassher Mariga, 23 anyos, residente man sang amo nga lugar.
Ginpahayag ni PDEA Regional Dir. Wardly Getalia nga ang nadakpan nga si Mariga ang yara sa listahan sang PDEA bilang ‘high value target’.
Dugang pa ni Getalia nga ang suspek ang daku nga supplier nga shabu sa syudad sang Bacolod sa diin iya naman ini gina-kuha gikan sa Cebu kag Mindanao.
Narecover sang otoridad sa balay ni Mariga ang 125 ka gramo sang suspected shabu, kilohan, isa ka shotgun kag isa ka pistola kag mga bala sang armas./dyHB BACOLOD
