P50M, inisyal nga damyos sa sunog sa Koronadal Public Market

South Cotabato—ginabana-banaang anaa sa 50 million ang damyos sa ahitabong sunog sa Koronadal City public market, niadtong Martes sa gabie, October 10, 2017. Kini sumala pa sa Bureau of Fire Protection Koronadal.

Ang maong kantidad structural damage lang ug wala pay labot niini ang naugdaw nga mga baligya atol sa maong sunog. Nasayran nga mukabat ngadto sa 337 ka mga stalls ang apektado sa sunog apil na dinhi ang totally damage.

Aminado ang lokal nga panggamhanan nga medyo madugay dugayan pa nga mabalik sa normal ang merkado publiko sa syudad human ang trahedya apan ilang paningkamutan nga subling mabarog kini alang sa mga negusyanteng apektado sa sunog.


Nasayran nga aduna nay gidudahan ang BFP nga hinungdan sa maong sunog, una mao ang nag spark nga linya sa kuryenti ug ikaduha posibling adunay tangke sa butane nga mibuto nga maoy nisugdanan sa sunog, apan dili pa kini kumpermahon gumikan nagpadayon paman ang imbistigasyon.

Facebook Comments