P59k nga cellphone nabilin sa Grab car wala na nabalik, posibli ginkuha sang pasahero suno sa driver

BACOLOD CITY – Nagreklamo sa Police Station 2 ang isa ka dalaga matapos nga wala nga nabilin sa isa ka Grab Car ang iya malahalon nga cellphone kag wala na nabalik pa sini gid lamang nga kaagahon sa area sang Brgy. 7, Bacolod City.

Suno sa complainant nga si Dominique Joannah ArceƱo, 21 anyos, residente sang Brgy. Bata nga may mga las 12:15 kaina sang kaagahon ini siya ang nag-sakay sa isa ka Grab car kag nagpadul-ong sa isa ka bistro sa Brgy. 7.

Apang sa iya pag-abot sa bar didto na lamang niya natukiban nga wala na ang iya cellphone nga nagabalor sang kapin P59 mil pesos ( P59 thousand ).


Ginpahayag ni ArceƱo nga gilayon niya nga ginlocate ang Grab car nga iya ginsakyan kag ini ang iya nalab-ot sa dalan Lacson.

Pahayag sang complainant nga nagsiling ang driver sang grab nga wala siya naka notice nga may nabilin nga cellphone sa iya salakyan kag kon may yara gid man, posible ini ang nakuha na sang iban niya nga pasahero./DYHB NEWSROOM

Facebook Comments