P640K shabu nasakmit sa ‘Berdera Drug Group’ leader

Davao City – Mobalor sa P640,000 shabu ang nasakmit sa joint buy-bust operation sa Philippine Drug Enforcement Agency (PDEA-XI), kapolisan sa Davao de Oro, Agusan del Sur Police Provincial Office ug Criminal Investigation and Detection Group (CIDG-XIII) sa Purok 1, Barangay Pangutusan, Nabunturan, Davao de Oro.

Gibutyag sa PDEA XI, nadakpan ang giingong suspected drug group leader sa Agusan del Sur Berdera Drug Group nga si Novelyn Berdera, 21 anyos, alias “Kokong”.

Dakpan usab ang duha ka mga kaubanan nga sila Mark Berdera, alyas “Poypoy”, 20 anyos ug Wilmar Viscaya, alyas “Balong”, 38 anyos ug mga residente sa Sitio Boan, Barangay Basian, Agusan Del Sur.


Sumala sa PDEA XI, napalitan sa ilang poseur buyer agent si Berdera og shabu sa kantidad nga P40,000 ug narekober posisyon sa mga suspek ang P600,000 kantidad sa shabu.

Gikasuhan og paglapas sa RA 9165 ang tulo ka mga dinakpan.

RadyoMaN Aimee Guinita

Facebook Comments