P6M nga kantidad sang ‘Shabu’ nakumpiskar sa drug buy-bust operation sa Maguindanao.

22

Nakumpiskar ang yara sa P6 million nga kantidad sang illegal drugs sa ginpatigayon nga drug-buy bust operation sang gintingob nga pwersa sang Marine Battalion Landing Team (MBLT-2) sa idalom sang Joint Task Force Central kag Philippine Drug Enforcement Agency (PDEA) sang Bangsamoro Autonomous Region in Muslim Mindanao (BARMM) sa Sultan Kudarat, Maguindanao.
Ginpahayag ni Major General Juvymax R. Uy, Commander sang JTF Central kag 6th Infantry Division nga ang nasambit nga joint buy-bust operation ang ginpatigayon sa Sitio Gulf, Brgy Dalumangcob sa nasambit nga banwa nga nagresulta sang pagkumpiskar sang 1 ka kilogram sang heat-sealed transparent plastic sachet nga may unod nga shabu.
Ang nasambit nga iligal nga druga ang ginbutang sa green tea bag nga may Chinese markings.
Samtang ang gintingob nga pwersa naman sang 2nd Marine Company sang MBLT-2, PDEA RO BARMM kag Sultan Kudarat MPS ang nagpatigayon sang hot pursuit batok sa suspected drug personality nga ginkilala lamang kay Saddam, target sang buy-bust operation , apang nakaeskapo sang nakit-an ang salakyan sang PDEA padulong sa ila nga hideout.
Pahayag pa ni Maj. Gen. Uy nga ang tropa sang JTFC ang hugot nga nagasuporta sa PDEA kag sa direktiba ni Pres. Rodrigo R. Duterte nga tapuson ang problema sang druga sa pungsod.

Facebook Comments