Davao City – Mokabat sa kapin kun kulang 800,000 pesos ang damyos sa nahitabong sunog karong adlawa sa Purok 13 Seaside Bago Aplaya, Davao City. Kini ang gikumpirma ni SFO1 Anthony IbaƱez, imbestigador sa maong sunog atol sa pakighinabi sa DXDC RMN Davao kaniya. Gituuhang nag-over heat nga charger sa cellphone ang hinungdan sa pag-ulbo sa kalayo resulta sa pagkasunog sa 6 ka balay diin 4 niini ang totally damage samtang duha ang partially damage. Dugang ni IbaƱez nga nagsugod ang kalayo sa ikaduhang andana sa giarkilahan nga balay ni Victor Mamac. Nadawat matud pa sa Bureau of Fire Protection kun BFP-Talomo ang report alas 7:40 sa buntag kaganina samtang gideklarang fire out kini alas 8:30 na sa buntag. Kanunay pahimangno sa BFP ngadto sa katawhan nga magmaigmaton aron malikay sa sunog. āKanunay magbinantayon labi na karon nga fire prevention month taod-taod ang sunog. Segurohon nga ang mga electrical appliances naka unplug kung mulakaw ug kung gamiton, kinahanglan aware pud ta kanunay aron malayo ta sa di angay mahitabo,ā sigun ni IbaƱez. RadyoMaN Renz Barbarona tags: DXDC 621 RMN Davao
