PA-BIDDING LIWAT | Pagpakay-o sang Sports facilities sa Iloilo Sports Complex liwat ipa-bidding matapos ginterminate ang kontrata sa nauna nga winning bidder

Liwat nga pagabuksan sang Iloilo Sports Development Office ang bidding para sa pagapakay-o sang sports facilities sa Iloilo Sports Complex.

Ini ang ginpahauag ni Sports Development Officer 4 Ray Cabarles matapos ginterminate sang Iloilo Provincial Engineering office ang kontrata sa Shaldang construction nga amo ang winning bidder sa nauna nga bidding.

Suno kay Cabarles nga napilitan ang PEO nga i-terminate ang kontrata matapos ginbayaan sang mga cosntruction workers ang proyekto kag nag-untat sa pag-trabaho.


Ginalauman nga subong nga adlaw, magasugod ang panibag-o nga bididng para sa nasambit nga proyekto nga may pondo nga 3.9 milion pesos.

Nahibaluan nga ginpatawag kahapon si Cabarles sang Sangguniang Panlalawigan kag ginpangayuan sang paathag kon nga-a wala na sang on going construction sa sports complex.

Facebook Comments