Pabiling bukas nga mga tindahan sa Iligan gi monitor sa Task Force Inter-Agency on COVID 19 aron pagsigurong malikayan ang panagtapok

Gimonitor karon sa Inter-Agency Task Force on COVID 19 ang tanang mga tindahan nga pabiling bukas taliwala sa gipatuman nga Enhance Community Quarantine dinhi sa dakbayan sa iligan.

Kini aron malikayan ang panagtapok sulod sa tindahan ug ma obserbahan ang Physical Distancing sa paglikay nga mataptana sa bisan unsa mang virus ilabi na ang Corona Virus Disease o COVID 19.

Matud ni Mr. Boy Garcia sa City Health Office nga gahimo sila karon ug paglibot-libot sa mga tindahan aron ipasabot sa mga nagdumala niini nga kinahanglan limitahan ang ilang mga customer.


Gani, aduna nay usa ka tindahan ang ilang nahatagan ug notice gumikan sa wala pagtuman sa physical distancing sa ilang mga customers taliwala sa mga pahimangno nga gipaabot ngadto kanila.

Gibutyag ni Garcia nga importante kaayo ang ma practice gayud sa katawhan ang physical distancing aron malikay nga mataptan sa gikahadlokan karon nga COVID 19.

Facebook Comments