PADAYONG PAGSAKA SA KASO SA COVID SA GENSAN, GIKA-ALARMA NA SA LGU

14

General Santos City–Makaalarma na ang padayong pagtaas sa kaso sa covid-19 sa dakbayan sa Gensan, kini ang gi-angkon ni Gensan City Mayor Ronnel Rivera.

Sumala niini nga gahimo na ug lakang ang Local Inter-Agency Task Force aron nga ma-pugngan ang padayong pagsaka sa kaso sa covid aron nga dili mo-abot sa punto nga mubalik sa Enhance Community Qurantine ang Gensan tungod usa sa labing ma-apektuhan niini mao ang ekonomiya.

Sa karon mas gikinahanglan ang pro-active approach pinaagi sa kasamtangang ginapatuman nga border lockdown ug ang clustering gumikan ilahang gipaningkamutan nga makuha, pinaagi sa contact tracing ang tanang suspected carrier sa covid-19.

Dugang pamahayag ni Mayor Rivera nga nasayud na silang daan sa mga guidelines nga ginapatuman sa National Inter-Agency Taskforce hilabina sa mga lugar nga anaa sa MGCQ.

Apan sila sa lokal nga panggamhanan, kinahanglan nga magpatuman ug mas hugot nga seguridad hilabina sa mga nagasulod aron nga ma-protektahan ang katawhan nga anaa mismo sa sulod sa syudad.
Pagpaklaro ni Mayor Rivera nga dili na kayanon pa sa syudad higayon nga mobalik sa ECQ tungod daghang negosyo ang sobling manirado ug posibleng daghan na ang magutman ug mas daghan ang mawad-an ug trabaho.

Giklaro hinuon ni Mayor Rivera nga kaya pa man nga muhatag ug ayudad ang LGU Gensan higayon nga mubalik sa ECQ ang syudad.

Apan hangtud sa kaya pa nga mapugngan nga mabutang sa ECQ o MECQ ang Gensan, ilahang paningkamutan sa tabang na usab sa katawhan pinaagi sa disiplina ug magdepende usab sa rekomendasyon sa mga medical experts.




Usa matud pa sa mga nahimong aksyon aron nga mapugngan ang padayong pagsaka sa kaso sa Covid sa Gensan (LVR)

Facebook Comments