Pag-atiman sa BFP sa nasunog nga bodega sa PLDT, niabot sa 18 ka oras

19
PC: RadyoMaN Jonathan Bullo

Nadeklara sa Bureau of Fore Protection kon BFP nga fire out ang nasunog nga bodega sa PLDT mga alas 10:07 sa gabei adlawng Martes.

 

Kini ang gikompirma ni SFO3 Samsom Villarde- ang Hepe sa Carmen Fire station.


 

Matud ni SFO3 Villarde nga kini pinaagi sa pagtinabangay sa tibuok pwersa aron nga dili na madugay pa ang pagdeklara sa fire out.

 

Dugang pa niini nga mokabat sa 18 oras ang operasyon sa BFP aron masiguro nga dili na mobalik og siga ang kalayo.

 

Samtang ang mga baga nga kabli matud pa ang hinungdan kung nganong dugay nga nadeklarang fire out ang pagkasunog sa bodega sa PLDT.

 

Matud ni SFO3 Samsom Villarde sa Carmen Fire station nga kung unsa ka baga ang metal niini, mao usab ang kabaga ang rubber insolator niini.

 

Nasayran nga kung masobrahan na sa kainit ang rubber insolator, malanay kini padulong sa ilawon diin atua usab didto ang uban pang rubber insulator.

 

Kini ang hinungdan nga bisan og bombahan na sa BFP og tubig ang ibabaw apan mobalik gihapon og siga ang kalayo tungod sa kainit sa ilawom.

Facebook Comments

From Advertisers