Pag-establisar sang dialysis center sa South Cotabato Provincial Hospital tinguhaan nga mapadasig, 10 ka units sang dialysis machines pagagamiton.

16

Tinguhaan nila suno kay Dr. Conrado Braña, Chief sang South Cotabato Provincial Hospital nga mapadasig ang pag-establisar nila sang dialysis center sa balay bululngan tungod aprobado naman ang pondo para sa nasambit nga pasilidad.

Apang suno sa iya magaagi pa man sa proseso ang tanan sa pag-establisar sang dialysis center kag kinahanglan pa nga ipaidalom sa training ang staff.


Ini matapos nga isa sa direkta nga apektado sa subong sa pagkakas sang Philhealth sa accredition sang Allah Valley Medical Specialist Center kag Dr. Arturo Pingoy Medical center ang mga pasyenti nga nagapadialysis.

Suno kay Dr. Braña yara sa napulo ka units sang dialysis machines ang sarang nga magamit sa tion nga magdamo gid ang pasyenti.

Nahibaluan nga base sa datos sang PSWDO South Cotabato nagalab-ot sa apat ka gatos ang nagapangayo sang ayuda para sa pagpadialysis.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers