Pag-inhibit ng ilang senador sa impeachment trial ni VP Sara Duterte, hindi kailangan ayon sa isang senador

Naniniwala si Senator Imee Marcos na hindi niya kailangang mag-inhibit sa impeachment trial ni Vice President Sara Duterte.

Ito’y kahit pa kapatid siya ni Pangulong Bongbong Marcos at kaibigan din ni VP Duterte.

Sa tingin ni Marcos, hindi niya kailangang mag-inhibit dahil nalalaman naman nila ang kanilang tungkulin bilang huwes sa impeachment court.

Aaralin din aniya nilang mabuti ang mga ebidensyang kapwa ipiprisinta ng depensa at prosekusyon.

Depende aniya ang magiging desisyon ng korte sa mga ilalabas na ebidensya sa impeachment proceedings.