Davao City-Wala nakaapekto sa dagan sa trapiko ang pag-implementar sa pag-isyu og citation tickets dinhi sa siyudad sa Dabaw.
Kini ang ebalwasyon ni Davao City Police Office kun DCPO-Traffic Group Chief Superintendent Ernesto Castillo atol sa interbyu sa DXDC RMN Davao kaniya.
Sumala ni Castillo, normal ug manageable gihapon ang dagan sa trapiko sukad gisugdan ang maong kampanya kaniadtong lunes, Setyembre 11.
Dugang sa hepe sa Traffic Group, hapsay ang dagan sa pagsugod sa implementasyon sa maong balaod diin hinaut niya nga suportahan kini sa mga dabawenyo tungod alang kini sa kaayuhan sa tanan ug kalamboan sa mga ginapatumang balaod dinhi sa dakbayan.
Gawas sa mga personahe sa City Transport and Traffic Management Office (CTTMO) nga naga-isyu og citation tickets, mag-isyu sab sa tukmang panahon ang mga personahe sa Traffic Group apan karon og duna man silay madakpan, gina-endorso nila sa ilang mga kaubanang personahe sa CTTMO.
Kasamang Renz Barbarona
