Pagbalik sa turismo sa Samal gidagsa sa mga turista

25

Davao City – Gikalipay sa Local Government Unit (LGU) sa Island Garden City of Samal (IGaCoS) ang hinay-hinay nga pagrekober sa Samal human sa pag abri sa mga resort sugod niadtong Lunes (Marso 1, 2021).

Sa interbyu sa DXDC RMN Davao kang IGaCoS Mayor Al David Uy, gibutyag niini nga ubay-ubay na ka resorts ang nag-abri niadtong Lunes, samtang karon pang Biyernes mag open ang uban, diin anaa sa kapin 70 resorts ang mag balik-operasyon na sa Samal.


“Siguro this weekend, diha nato na makita gyud (ang dagsa sa turista) but daghan na ang nagpa-book sa mga resort nga mga namonitor nako. Sa pag-lift pud nato sa liquor ban, medyo ubay-ubay napud na mga trucks sa mga liquor companies ang nitabok,” butyag ni Uy.

Subling gipahinumdom sa Alkalde nga kinahanglan lamang sundon ang patakaran sama sa ‘no booking, no entry’ policy.

Ang resort na usab ang mag proseso sa tourist QR (Quick Response) Code alang sa ilang mga bisita.

Mamahimo na usab nga maka suroy ang mga bata basta aduna lamay kauban nga hamtong o ginikanan.



Samtang, wala na gi-require og medical certificate ang seniors citizens partikular na kadtong taga Davao Region.


Hinuon, mamahimong makabisita ang dili taga rehiyon onse apan kinahanglang mag presenta og negative antigen test o kaha magpa test pag abot sa syudad nga libre lamang ma-avail sa nahisgutan.

RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments