Pagbantay sa tanang tawo, dili kaya sa kapolisan

Gi-angkon sa liderato sa Cagayan de Oro City Police Office o COCPO nga dili kaya sa kapolisan ang pagbantay sa tanang tawo ning syudad sa Cagayan de Oro sulod sa 24 oras.

 

Matud ni COCPO Spokesman Supt. Mardy Hortillosa nga kulang ang ihap sa mga police kon itande sa kadaghan sa mga tawo ning syudad.

 

Gibutyag ni Hortillosa nga  sigon sa record sa COCPO nga ang usa ka police mobantay sa tres mil ka mga tawo sulod sa 12 ka oras sa iyang tour of duty.


 

Kini sibo sa iyang 1 is to 3-thousand ratio sa COCPO.

 

Matud ni Hortillosa  nga sa ingon niini ka daghan sa mga tawo imposibli nga mabantayan sa kapolisan ang tanang tawo ning syudad sulod sa 24 oras.

 

Kini ang rason kon nganong si Hotillosa, nangayog tabang sa mga sibilyan nga mag-police sa ilang kaugalingon aron makalikay sa  krimen  nga mahitabo.

 

Kini ang gibutyag ni Hortillosa human gi-ambush sa wala mailang mga tawo silang Police Supt. Michael John Deloso ug Barangay 3 Kagawad Jonathan Joseph Borja ning  syudad.

Facebook Comments