General Santos City—Gipaklaro ni Police Supt. Teody Condeza ang tigpamaba sa Sarangani Provincial Police Office nga bisan wala pa ang mando nga pagbawal sa mga police sa mga pasugalan, dugay na matud pa kining gipatuman sa Sarangani Police Office.
Segun pa sa opisyal nga hugtanon nilang ginadid-an ang mga police nga muadto sa mga pasugalan sama nalang sa sabungan ug uban pa.
Higayon nga duna silay report nga madawat nga dunay pulis nga mulapas sa maong mando, gilayon nila kining gipatawag dayon ilang gipahamtangan ug tukmang silot.
Dugang pagbutyag ni Police Supt. Condesa nga sila sa Sarangani walay gipaboran. kinsa mang makasala bisan pa ug opisyal makadawat gyud ug silot.
Tumong niini aron nga malikayang makiglambigit sa unsa mang matang sa sugal ang usa ka pulis.
