Pagbutang og bus stops gawas sa DCOTT giplastar

27
Davao City – Padayon pang ginaplastar ang mamahimong sistema ugaling maaprubahan ang gisugyot ug rekomendasyon nga magbaton og tulo (3) ka designated bus stops gawas sa Davao City Overland Transport Terminal (DCOTT).

Sa interbyu sa DXDC RMN Davao kang Aiza Usop, DCOTT manager, gibutyag niini nga sa inisyal nga nasabutan atol sa meeting kauban ang City Transport and Traffic Management Office (CTTMO), Land Transportation Office (LTO), Land Transportation Franchising and Regulatory Board (LTFRB), Task Force Davao, ug traffic group, gisugyot nga butangan og bus stops ang Toril, Calinan alang sa southbound area, ug Buhangin alang sa northbound area.

Matud ni Usop, kinahanglan pang iplastar kung unsaon ipatuman ang sistema o logistics diin kinahanglan masigurong magbaton usab og manpower, estriktong inspeksyon sa mga pasahero ug bagahe nga padayon karong gina-istudyohan.

“Pati ang atong logistics tan-awon pud nato. In fact, ang atong LTO pud, nag-ingon pud nga basin kinahanglanon pa nato ang traffic assessment,” sulti ni Usop.

Sa pagkakaron padayon una nga ipatuman ang pag-ban sa pagpasakay sa pasahero sa mga bus stops sa dakbayan ug kinahanglang muagi ang mga pasahero sa DCOTT alang sa seguridad.

RadyoMaN Kirby Manzon



<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments