Pagdagsa sa mga kandidato sunod semana gilauman

Davao City – Duha pa lamang ka mga kandidato ang ni-file sa ilang mga certificate of Candidacy dinhi sa Davao City.

Bandang alas 4:48 sa hapon adlawng Huwebes, si Regidor Cortez, usa ka operator driver ug kanhi seaman nisumite kini sa iyang COC isip mupa-elect nga konsehal sa 2nd district samtang pasado alas 12 sa udto adlawng Byernes si kanhi Vice Mayor Paolo Duterte nifile na usab sa iyang COC pagka congressman sa unang distrito diin uban niini ang iyang igsuon nga si Davao City Mayor Inday Sara Duterte-Carpio ug bayaw nga si Atty. Manases Carpio.

Matud ni Jerry Mujal ang 2nd District Election Officer nga kung itandi sa nakalabayng election mingaw ang Comelec sa duha ka adlaw sa filing sa COC.


Gipangandaman nila ang pagdagsa sa mga mu-file sa COC sunod semana busa striktong ipatuman sa Comelec nga ang mga kandidato lang, duly appointed person ug immediate family ang mamahimong makasulod sa opisina ug kutob lamang sa gawas ang mga supporters.

RadyoMaN Aimee Guinita

Facebook Comments