Pagdawat ug regalo sa mga opisina sa goberno dugay nang katikaran

General Santos City–Dugay na matud pa nga katikaran sa mga buhatan sa goberno ang pag dawat ug regalo gikan sa mga naserbisyohan nila nga nalipay sa ilahang trabaho hinungdan nga mas maayo nga itugot nalang kini. Kini ang sumala pa ni MSU Professor Richard Penia.

Sumala pa ni Prof Pernia nga dili na sekreto ang maong katikaran sa goberno apan basi sa balaud sa Civil Service Commission nga gikinahanglan ideklara sa mga buhatan o empleyado sa goberno kung aduna kiniy nadawat nga pahalipay gikan sa ilahang kliyente hinungdan nga ginatago nalang.

Apan ug tugutan na ni Presidente Duterte ang susamang katikaran kinahanglan nga dili lang usab kini para sa usa ka tao sanglit para sa tanan nga mga empliyado aron ang tanan makabinipisyo.


Samtang aminado man usab kini nga aduna gayud duha ka butang ang posibleng mahitabo sa maong sistima mao kini ang posibleng moabuso ang mga buhatan sa gobyerno nga nahatagan ug dili na mau trabaho ug walay ikahatag kanila, ug posible man usab nga mas tarongon pa nila ang ilahang trabaho aron nga mahatagan ug nindot nga serbisyo ang ilahang mga kliyente.(Dave Silagan)

Facebook Comments