Pagdemolish sa mga tent sa Marfori Street nga gihimong terminal adunay direktiba sa DILG

Davao City – Nakahatag og kahasul sa mga motorista og nagbabag sa kalsada ang tent nga gimuntar sa Malfori Street, Bankerohan Public Market, syudad sa Davao nga gihimong terminal hinungdan gidemolish kini atoll sa gipahigayong road clearing operation sa demolition team niadtong adlaw’ng Martes alas 9:00 sa buntag Disyembre 6, 2022.

Sa interbyu sa DXDC RMN Davao kang Dionisio Abude ang CTTMO Chief, gi-okupar na sa maong tent ang usa ka lane sa kalsada ug nakahatag kinig kahasul sa mga motorista.

Segun ni Abude, sa wala pa gipahigayon ang pagdemolish duna na kini direktiba gikan sa Department of Interior and Local Government (DILG) alang sa road clearing operation.

Gipasabot sa hepe, ang mga barangay officials kinahanglan nga mo-apil ug mosuporta sa gipatuman nga road clearing operation.

“Kauban unta nato ang barangay officials nga dapat moapil sila sa road clearing operation. Unya mismo ang barangay nag allow bahin anang terminal. Dili gyud (na) pwede,” saysay ni Abude.

Samtang nahinabi usab sa DXDC RMN Davao si Victoriano Daranjo, ang presidente sa asosasyon sa Bankerohan Trycycle in Operators Drivers Association (BATRIODA) nga ilang gikadismaya ang kalit nga pagdemolish nga wala gi-agi sa pormal nga negosasyon sa mga opisyales sa maong asosasyon.

“Nangita lang mi og laing pamaagi ani nga kabalhinan. Ang ako lang ba, sakit lang nga kami naningkamot gi-initan mi sa usa ka dato nagreklamo nga wala man mi nangilabot sa iya.”

RadyoMaN Don Pulayao

Facebook Comments