Paghikog sa inmates sa PDRC walay foul play sigun sa Provincial Warden

36

Walay foul play ang pagkamatay sa usa ka inmate sa Provincial Detention and Rehabilitation Center kon PDRC Bukidnon kagahapon sa buntag.

Kini human nakit-ang patay sulod selda ang usa ka detainee nga nailang si Renante Galendez, 31 anyos human naghikog.

Sa interview sa RMN ngadto kang Provincial Warden Allan Gurrea gibutyag niini nga base sa inisyal nga imbestigasyon nga gihimo sa SOCO ug kapulisan sa Malaybalay walay nakitang foul play sa kamatayon niini.

Matud ni Gurrea nga nag-atubang ang mao nga biktima sa kasong frustrated murder ug nabilanggo sulod na sa unom ka tuig.

Taga lungsod sa Don Carlos matud pa kini ug nakapuyo usab sa lungsod sa San Fernando, Bukidnon.

Talagsa ra usab daw kini nga giduaw sa iyang mga kaliwat.

Subay sa ilang pag-imbestiga, naguol kini sa kadugay ug kahuman sa iyang kaso maoy hinungdan sa paghikog.

Sigun ni Gurrea nga gigamit matud pa sa paghikog niini ang straw nga bugkos sa kahoy, gisulayan pa kini ug tabang apan wala na nadala pa.

Nahitabo matud pa ang mao nga paghikog samtang pagawas na ang mga kauban sa selda niini aron mag-ehersisyo, gikonsidera matud pa kini nga trustee ug maoy gitahasan sa pag-command sa pagpagawas sa iyang mga kauban.

Facebook Comments