Paghikog usa ka dakong sala sa Ginoo sumala sa usa ka pastor

General Santos City–Usa ka dakong sala sa Ginoo ang pagkutlo sa kaugalingong kinabuhi gumikan lang sa deperesyon mao kini ang nahimong pagbutyag ni pastor Fabie Obillo sa Faith Baptist Church.

Sumala pa niini nga aron malikayan ang subrang depresyon nga muresulta sa pag kutlo sa kinabuhi gikinahanglan nga adunay relasyon sa Ginoo aron nga mahatagan ug kaalam kung unsa ang buhaton panahon sa problema.

Dugang pa niini nga subay sa balaang kasulatan nakalatid nga ang Ginoo ang wala mihatag ug pagsulay sa usa ka tawo nga dili niini kaya apan ug wala matud pay relasyon ug wala na-ampingan ang relasyon sa Ginoo dili layo nga mahulog kini sa depresyon nga musangpot ngadto sa pagpakamatay.


Gikabutyag usab ni Pastor Fabie nga kung nakasinati na ug depresyon ug bug-at nga problema ang gikinahanglan lang muduol sa Ginoo ug isumbong kaniya ang tanan aron nga magiyahan. (Dave Silagan)

Facebook Comments