Paghulip sa Regional director sa PRO-12 wala na gikatingala sa usa ka opisyal sa Gensan

General Santos City–Wala na nahibulong pa si City Councilor Atty. Edmar Yumang, chairman sa komitiba sa peace and order sa Sangguniang Panglungsod sa Gensan sa kalit nga paghawa ni Police Brigadier General Alfred Corpus isip Regional Director sa PRO-12 kansa gihulipan ni General Michael John Dubria nga gikan sa kaulohan.

Matud pa ni Yumang nga normal lang ang pagpuli-puli sa mga leaders sa PRO-12 hinungdan nga mainiton nga gidawat si General Dubria sa mga opisyal sa syudad isip bag-ong Regional Director sa Police Regional Office 12.

Dako usab ang paglaum sa opisyal ngadto kang Dubria nga mapadayon niini ang maayong nahatag nga serbisyo ni Corpus dili lamang sa Gensan kon dili sa tibuok Rehiyon 12 kung asa nakontrola niini ang mga kriminalidad ug namintinar ang kahapsay sa Rehiyon.


Gipasalamatan usab ni kagawad Yumang si General Corpus sa nahatag niini nga maayong pagpanerbisyo sa Region 12 sulod sa pipila ka bulan ug ang maayong pagpadagan niini sa iyang liderato sa rehiyon. Si Corpus na karon ang kasamtangang labaw karon sa DIPO Western Mindanao Command.

Gibutyag pa ni Yumang nga dako ang natabang sa nasangpit nga General sa Rehiyon gumikan kay miubos matud pa ang kriminalidad ug namintinar ang kahapsay ug kalinaw sa Tibuok Rehiyon 12.

Nanghinaot na lamang si Yumang nga mamaayo usab ang mahimong koordinasyon ni Dubria sa mga opisyal sa lokal nga panggamhanan sa rehiyon.(RV)

Facebook Comments